استفسار هام هن الكفرات

مجرب دانلوب على كورولا من شهر 1 للحين ماشيه 30 الف ماشاءالله وممتازه اشوفها لكن عيبها قاسيه شوي والسعر جنط 15 ب330

و عليكم السلام و رحمة الله و بركاته 

يا اخي الغالي ما فيه شركة تقدم نوع واحد من الكفرات يعني مثلا شركة ميشلان عندها اكثر من نوع للكفرات بين الكفرات الرياضية
القاسية و بين المريحة و لكنها غير مهيئة للمنعطفات و فيه الانواع المخصصة للثلوج و تلقاها في محلات الكفرات مع ان ما عندنا ثلج 
اصلا 

فأنت و شطارتك 
و فيه موضوع انا كتبته بيفيدك كيف تختار النوع الممتاز 
http://montada.haraj.com.sa/54801/%D8%B7%D8%B1%D9%8A%D9%82%D8%A9-%D8%AC%D8%AF%D9%8A%D8%AF%D8%A9-%D9%84%D8%A7%D8%AE%D8%AA%D9%8A%D8%A7%D8%B1-%D8%A7%D9%84%D9%83%D9%81%D8%B1%D8%A7%D8%AA-%D8%A7%D9%84%D9%85%D9%86%D8%A7%D8%B3%D8%A8%D8%A9-%D9%84%D8%B3%D9%8A%D8%A7%D8%B1%D8%AA%D9%83/

نصيحه لا تطلع عن الانواع التاليه:


هانكوك, تويو, نيكسن, ماكسس, سايلون, بريجستون....

الانواع الثانيه تم استبعادها لسبب اما الغلاء او القساوة الترتيب ماله دخل بالنسبة لكفرات سايلون هاذي كفرات صينيه رخيصه وفي كثير جربوها ويمدحونها

وعليكم السلام ورحمة الله وبركاته

ياأخي الكريم سؤالك عام وغير مفصل انت ماحددت كفر لجنط مقاس 16 لأي سيارة؟

لأنه فيه كفر لجنط 16  لجيب أو جمس ويختلف عن  كفر لجنط 16 لسيارة صغيرة (سيدان)

وبعدين انت ماحددت تبي كفر أفضل من أي ناحية ؟

لأنه كل كفر له مزاياه وعيوبه 

وأعطيك ياها من الآخر شبه مستحيل تلقى كفر فيه كل المزايا

يعني ممكن تلقى كفر عمره طويل لكن قاسي  ، أو كفر هاديء لكن أقل أمان مثلاً  وهكذا 

فإنت فصل كلامك أكثر عشان تكون الفائدة أكبر لك أو لغيرك

صحيح كلامك أخوي 5alaf

انا قلت نفس كلامك من أول ومازلت أكرر كلامي لكن الغالبية ماهي راضية تستوعب الكلام 

وهو أنه كل شركة تصنع نقشات أو دعسات مختلفة تختلف في المواصفات والمزايا والعيوب

ولايكفي الإعتماد على إسم الشركة فقط

بالنسبه لي تويو وبس على فورد وكامري وددسن ولا احلى 

جزاكم الله كل خير
، سيارتي كورولا 2014

الخرج 
كفرات برجستون مزعجة في الخط
وقاسية مع المطبات

ياصاحب الموضوع
كفرات ماكسس تايلندية جيدة حدها سنة وشوي وتغيرها
ونيكسن حلوة 

هذه الكفرات لينة وغير مزعجة
وكلامي من تجربة للنوعين

نكسن ممتاز ورخيص

خلك على هانكوك الكوري لين ويصبر 

في نوع اندونيسي والله ممتاز اسمو اطلس وتلقاه في كل مكان والكل يمدحو وبصراحه ممتازه كفراتهم وسعرها رخيص تلقاه مقاس كفرك حول 170 ريال 

شوف ياراعي الموضوع انت إلى الآن ماحددت تبي أفضل كفرات من أي ناحية ؟

من ناحية رخص السعر مقابل الخدمة الطويلة 
أو من ناحية الهدوء والراحة 

أو من ناحية الأمان وقوة الفرملة والثبات


لكن أنا بعطيك إسم كفر ممتاز  وأقرب للكمال  لأنه مافي كفر كامل المزايا 

هذا الكفر من شركة قوديير الأمريكية   وإسم نقشة الكفر  إفيسينت قريب بيرفورمانس

بالإنقليزي   EFFICIENTGRIP  PERFORMANCE


وهذا مقطع دعائي للكفر يشرح مزايا الإطار (ملاحظة : توجد موسيقى)


https://www.youtube.com/watch?v=pBL8xyYW4UM



وهذا تقييم المستخدمين  للكفر بأحد المواقع الأوروبية :


http://www.tyrereviews.co.uk/Tyre/Goodyear/EfficientGrip-Performance.htm


كفر ممتاز من ناحية الراحة والهدوء  والأمان وحتى الشكل شكله أنيق يعني من أغلب النواحي ممتاز

وكل المواقع تمدحه وأعتقد إنه أكثر كفر من كفرات الشركات المعروفة  يستحق سعره


سعره لمقاس 225/60/16 عند الوكيل ب400 ريال أعتقد مقاسك راح يكون سعره 350 ريال أو أقل


ونادر تحصله عند محلات الموزعين  بالجملة  أما البناشر العادية إنسى  إنك تلقاه

وإذا قررت  ورحت الوكالة قوله ابغى كفر قوديير (إفيسينت قريب بيرفورمانس ) 

لأنه فيه كفر أقدم منه ونقشته تختلف إسمه (إفيسنينت قريب ) فقط 

وأتمنى لو قررت  وأخذته تطرح موضوع هنا عن تجربتك لهذا الكفر مهو تسحب علينا !

أما إذا تبي كفرات رخيصة  ومتازة من ناحية الخدمة والكرف بالتحديد فخذ عندك من شركة :

ماكسس التايوانية بمختلف النقشات ممتازة أنواعها عموماً

سايلون الصينية

اكيليس الأندونيسية (تنتج إطارات بالتعاون مع شركة كونتيننتال الألمانية)

فوشيوم الأندونيسية 

دورو الصينية 

رينوي الصينية 

ويست ليك الصينية 

كورسا الأندونيسية بس عيبها شوي أقسى من كفرات الشركات المذكورة فوق لكن إن شاء الله تقاوم التحبيل أكثر


هذي الكفرات ممتازة وتقدر تسافر عليها لكن لاتدور للراحة كثير ولا للهدوء ولا للثبات

 ولا لمسافة التوقف عند الفرملة أقصر على الأرض الجافة أو الرطبة 

لكن تكرفها تعيش مايحتاج إذا حالتك المادية صعبة

لكن تبي كفر فل كامل هههه خلك على اقتراحي الأول ( جوديير أو قوديير) إذا تقدر على سعره

وبالتوفيق للجميع

جزاك الله خير الجزاء أخي نادر على معلوماتك القيمة واهتمامك الكبير ، لكن بالفعل أنا أبحث عن أفضل الأنواع من حيث الجودة والهدوء وعمر التشغيل الأطول بإذن رب العالمين

آمين وياك أخوي أبو محمد 

واهتمامي بالموضوع لأني كنت محتار مثلك قبل كم سنة  
لكن  بعد اطلاعي على منتديات والمواقع المختصة بالإطارات صار عندي قاعدة معلومات جيدة عنها 

وإذا كنت تبحث  عن كفرات ذات عمر تشغيل أطول  فمالك إلا ميشلان 

البريللي نستبعده لأنه سعره غالي بشكل واضح ولايستحق هذا السعر المبالغ فيه بمختلف أنواعه

والبرجستون أيضاً نستبعده لأنه بعد فترة معينة من استخدامه يصبح قاسي ومزعج بمختلف أنواعه عموماً

وكذلك يصبح  خطير بعد استخدامه لفترة طويلة نوعاً ما
لأنه  شكله ودعسته تكون جيدة لكن ينفجر عليك بدون سابق إنذار يعني كفر غدار ههه
___________________________________________________

أنصحك بالميشلان عموماً لكن أيضاً فيه عيوب  أولاً سعره أغلى من الجوديير 

ثانياً يصير مثل البرجستون قاسي بعد فترة قصيرة من استخدامه لكن يظل أقل قساوة وإزعاج منه

وهدوئه متوسط 

لكن أنا عندي طقم كفرات ميشلان وتاريخها قديم وماحسيت بقساوتها يمكن لأن السيارة طول الوقت واقفة بالظل

لأن حرارة وأشعة الشمس تأثر على الكفرات والمطاط والسيارة عموماً

وأفضل أنواع الميشلان لسيارات السيدان كالتالي :

الأفضل من ناحية طول العمر على الإطلاق هو إطار ميشلان إنيرجي سفر  ( ENERGY SAVER)
لكن الأقل راحة ، مافيه شي كامل 

بعده مباشرة من ناحية طول العمر ميشلان برايماسي اتش بي (PRIMACY HP)
 وهذا أنا مجربه وممتاز  وجيد من ناحية الراحة والهدوء لكن الأقل ثباتاًً على الطريق من بين أنواع الميشلان
لكن ثباته مقبول وشكله الأجمل من بين أنواع الميشلان

النوع الثالث اسمه ميشلان برايماسي 3  (PRIMACY 3)
ثباته ومستوى الأمان فيه ممتاز ومستوى الراحة والهدوء جيد لكن الأقصر عمر بينهم لكن عمره أطول من كفر جوديير المذكور سلفاً

 بقي عليك انت الإختيار وتحديد المزايا المطلوبة والتنازل عن بعض المزايا الثانوية لأني مثل ماذكرت مافي شي كامل


ونصيحة إذا كانت مشاويرك السنوية أقل من 30 الف كيلو متر لا تأخذ الميشلان 
لأن الميشلان يصلح للمستخدم كثير التنقل الذي ممكن  أن يقطع في السنة عشرات آلاف الكيلو مترات 
أو حتى 100 الف كيلو !! يعني راح يرميه خلال سنة أو سنتين بالكثير

لأنك لو استخدمته على ممشى بسيط في السنة ممكن يقعد معك الكفر ثلاث سنوات أو اكثر ويصير قاسي مع الوقفة

ومزعج  ويصلب وممكن ينسلخ عليك ومااستفدت من كل ريال من قيمته يعني بالعامي  ماحللت قيمته 
مع انه دعسته مازالت نظيفة  يعني غالي وعمر طويل على الفاضي

إلا لوتوقف السيارة في الظل طول الوقت ممكن يعيش معك الكفر أكثر ومايصلب

ومازلت أنصحك بالجوديير إفيسينت قريب بيرفورمانس الأقرب للكمال وعيبه الوحيد عمره أقصر من الميشلان

ولكنه ليس الأقصر عمراً من بين الإطارات عندك كفرات التويو والهانكوك عموماً أقصر الإطارات عمراً
______________________________________________________________

وبالأخير كل اللي اطلبه منك إذا استفدت من كلامي هو دعوة صالحة لا أكثر 

وبالتوفيق لك  ومبروك مقدماً على الطقم الجديد

وشوف هذا رابط موقع أوروبي ادخلت فيه نفس مقاس كفرات سيارتك 

وطلع فيه صفحة بأنواع مختلفة ن شركات مختلفة لنفس مقاس كفراتك


http://g512uq.tyreheroes.co.uk/collections/all/width-205+profile-55+diameter-16


عند كل كفر فيه مربع صغير جنب صورة الشمس اشر عليه بالسهم  يكبر المربع 

وهذي بطاقة تعريفية من منظمات أوروبية تبين لك ثلاث معلومات :

1- مستوى القيادة والفرملة على الأراضي الرطبة على 7 مستويات ابتداءاً من مستوى A الأفضل إلى مستوى G الأسوأ

2- مستوى توفير الوقود كذلك على 7 مستويات

3- مستوى الضجيج أو الهدوء عن طريق مقياس الضجيج  الديسيبل
 كلما ارتفع الرقم كان أسوأ وكلما انخفض كان أفضل في الهدوء

وكفرات سيارات السيدان عموماً  إذا كانت من 70 ديسيبل أو أقل  نقدر نسميها كفرات هادئة 

أما من 71 وفوق هذي كفرات مزعجة وتتدرج في الإزعاج حتى يصل الإزعاج لبعض الأنواع إلى 78 ديسيبل !

وشوف هذا رابط موقع أوروبي ادخلت فيه نفس مقاس كفرات سيارتك 

وطلع فيه صفحة بأنواع مختلفة ن شركات مختلفة لنفس مقاس كفراتك


http://g512uq.tyreheroes.co.uk/collections/all/width-205+profile-55+diameter-16


عند كل كفر فيه مربع صغير جنب صورة الشمس اشر عليه بالسهم  يكبر المربع 

وهذي بطاقة تعريفية من منظمات أوروبية تبين لك ثلاث معلومات :

1- مستوى القيادة والفرملة على الأراضي الرطبة على 7 مستويات ابتداءاً من مستوى A الأفضل إلى مستوى G الأسوأ

2- مستوى توفير الوقود كذلك على 7 مستويات

3- مستوى الضجيج أو الهدوء عن طريق مقياس الضجيج  الديسيبل
 كلما ارتفع الرقم كان أسوأ وكلما انخفض كان أفضل في الهدوء

وكفرات سيارات السيدان عموماً  إذا كانت من 70 ديسيبل أو أقل  نقدر نسميها كفرات هادئة 

أما من 71 وفوق هذي كفرات مزعجة وتتدرج في الإزعاج حتى يصل الإزعاج لبعض الأنواع إلى 78 ديسيبل !

والله أخي نادر بعد كم المعلومات التفضلت بإضافتها لا أجد كلمات لشكرك ، بيض الله وجهك

جزاك الله كل خير أخي نادر

، بالفعل حصلت كفرات ميشلان برايماسي 3 (PRIMACY 3) ألماني إنتاج 2015 وركبتها ممتازة ومريحة جداً في ممشى السيارة وسعرها 300 ريال مع التركيب والترصيص